Desenchufa a enerxía nuclear o 26 de abril

[Tamén en: Català e Castellano]

O 26 de abril de 2016 é o trinta aniversario do accidente nuclear de Chernóbil (Ucrania).

A radiación de Chernóbil continuará producindo mutacións e matando ós organismos vivos durante miles de anos. Como protesta e para recordar ás vítimas de Chernóbil queremos boicotear á enerxía nuclear. E pedímosvos que vos unades.

O accidente de Chernóbil significou por primeira vez unha fuga a gran escala de radiactividade, que viaxou en forma de nube por toda Europa, e puxo de manifiesto que a seguridade nuclear non é algo que implique só ao país que posúe as centrais, posto que a radiactividade pode viaxar miles de km. A catástrofe supuxo uns sete millóns de persoas afectadas, a mitade da poboación de Bielorrusia analizada presenta mutacións no sangue, unha extensión contaminada de 150.000 km² e o número de cáncros de tiroides multiplicouse por cen. Un círculo de 30 km arredor da central resulta inhabitable.

Porén, os oligopolios de electricidade seguen promovendo e utilizando a enerxía nuclear. Valoran mais os seus beneficios que o medio ambiente ou a seguridade das persoas. Así, cada 26 abril, miles de persoas en todo o mundo uniranse para mostrar que non precisamos  enerxía nuclear para vivir.

Ao aforro, que debe ser a base do noso actuar cotiá, debemos sumarlle o utilizar outras fontes de enerxía e outras comercializadoras, así non só deixamos de financiar ás grandes eléctricas senón que declaramos a nosa independencia de tecnoloxías de xeneración suxa, centralizada, e insostible.

É hora de castigar ás compañías de electricidade do único xeito que entenden, deixando de darlles diñeiro. Cando as subministradoras vexan unha caída considerable dos seus ingresos, abandonarán a enerxía nuclear. Únete á nosa acción o 26 de abril:

• Nivel 1: Propoñemoste reducir o teu consumo durante un día.
• Nivel 2: Reduce o teu consumo de xeito permanente.
• Nivel 3: Muda a unha comercializadora 100% renovable.
• Nivel 4: Produce a túa propia enerxía.