Asinamos un convenio con Volta Motorbikes, fabricante de motos eléctricas

[Tamén en: Català - Castellano]

Para fomentar a utilización do vehículo eléctrico, vimos de pechar un acordo cun fabricante de motos eléctricas para facilitar a compra a socios e socias da cooperativa.

Volta Motorbikes é unha empresa nacida en Figueres que ven de lanzar o seu produto insignia, unha motocicleta 100% eléctrica, deseñada e montada na súa sede.

Volta ofrecerá ofertas especiais ás persoas socias da cooperativa na adquisición das suas motocicletas.
.

E por outro lado, a cooperativa dará ferramentas e formación aos traballadores de Volta sobre as distintas tarifas de subministro eléctrico, para poder orientar ás persoas clientes sobre a mellor tarifa a contratar en cada momento.

A oferta actual para as persoas socias de Som Energia consiste nun desconto de 300€ sobre o prezo do vehículo, ou ben a adquisición gratuita dun kit de conectividade, con xeolocalización e aplicación para móbiles e tablets.

Volta tamén axudará na solicitude das subvencións que poida haber para a adquisición de vehículos eléctricos.

Enlace ao catálago de motos de Volta Motorbikes

Volta animará aos seus clientes a que se fagan socios/as da cooperativa e que contraten a luz con nos, e deste xeito, redondear a súa compra cun subministro eléctrico certificado 100% renovable.

Algunhas persoas do equipo técnico de Som Energia tiveron a oportunidade de probar unha das suas motos, e quedaron encantadas, sobre todo pola ausencia de ruido!

Outros enlaces de interese: Nota de prensa de Volta Motorbikes.