[NdP] Conectada a primeira planta fotovoltaica participada tras o decreto contra as renovables

[Tamén en: Català] e Castellano]

A conexión coincide có 30 aniversario de Chernóbil, o maior accidente nuclear da historia

Alcolea del Río, 26 de abril de 2016.- Despois dunha longa demora burocrática, está previsto que a planta fotovoltaica de Alcolea del Río de Som Energia se conecte hoxe á rede eléctrica. Construíuse en menos de dous meses mais levaba desde decembro de 2015 á espera dos permisos necesarios para entrar en funcionamento.

A planta, cunha producción anual prevista de 3,4 millóns de kilovatios-hora (o equivalente ao consumo anual de electricidade dunhas 1.300 familias) e un aforro de 1.300 toneladas de CO₂, foi posible grazas á Generación kilovatio-hora (www.generationkwh.org), unha iniciativa colectiva da cooperativa Som Energia, financiada por achegas particulares de socios e socias, e que conseguiu os 2 millóns de euros necesarios para a súa construcción.

Segundo Nuri Palmada, responsable de Proxectos da cooperativa «chegar até aquí, poñer en funcionamento esta planta solar, demostra que se poden superar as barreiras ás enerxías renovables e á autoproducción individual, que paralizou durante os últimos anos novos proxectos de renovables no Estado español».

A planta fotovoltaica de Alcolea del Río é o primeiro dos tres grandes proxectos de enerxías renovables da Generación kWh de Som Energia. Para Ana Marco, presidenta do Consello Reitor, «conseguir un mix de varias tecnoloxías como a fotovoltaica, a eólica e a minihidráulica, demostra que un futuro 100% renovable é posible».

O investimento total previsto é de 5 millóns de euros. O segundo gran proxecto da Generación kWh, a construcción comunitaria dun muiño eólico perto de Barcelona, ven de ser autorizado poa Generalitat de Cataluña este mismo mes de abril.

A conexión da planta de Alcolea coincide co lanzamento da campaña «Desenchufa a enerxía nuclear«, que lembrando o 30 aniversario do desastre de Chernóbil, quere impulsar a necesidade de deixar de financiar ás grandes eléctricas que, pola contra, seguen a promover e utilizar unha enerxía suxa, centralizada e insostible.

A orixe da Generación kWh atópase en Som Energia (www.somenergia.coop), unha cooperativa sen ánimo de lucro, co firme obxectivo de mudar o modelo enerxético cara un modelo 100% renovable. Fundada por 150 persoas socias, en cinco anos conta xa con máis de 25.000 socios/as e perto de 34.000 contratos de electricidade verde.