Historial de la etiqueta: euskara

  Heldu den larunbatean, Urriak 3, Txantreako truke-merkatu soziala ospatuko dugu, «alternatiba ekonomiko herritarra eredu ekonomiko justuago baten alde». Arriurdiñeta plazan (liburutegiaren atzean) izanen da, 11:00etatik 14:00etara. Postuetan janari ekologikoa, naturala eta hurbilekoa (barazkiak, esnekiak, haragia, gazta, ardoa, ogia, arrautzak, xaboiak…), arropa eta artisau lanak erakutsiko dira. Horretaz gain, hainbat zerbitzuri buruzko informazioa eskainiko da: banka etikoa, energia-iturri berriztagarriak,aseguruak…

  Ia ia hasieratik, 2011 urtetik alegia, Serteca-ko lagunak kooperatibako bazkide dira eta Energia Gararen bitartez 100% berriztagarria den energia kontsumitzen dute. Sertecak (Servicios Técnicos de Arquitectura) Arkitektura zerbitzu teknikoak eskaintzen ditu. Lantalde honek arkitektura ingurugiroa eta pertsonen arteko elkarrekintza gertatzen den inguru gisa ulertzen du; pertsonak garrantzitsuena direlako eta inguruarekin batera proiektu ororen erdigunea baitira. Euren webgunean ikus daitekeen bezala, esperientzia luzeaz eta gertutasunaz baliaturik, arkitekturarekin zerikusia duten zerbitzu ezberdinak eskaintzen dituzte.

Energia Gara Nafarroaren lagun gehiago aurkezten jarraitzen dugu eta oraingo honetan Gaztelu Plazako Ecolaundry – Pamplonaren txanda da. Gure lagun Gotzonek ikuztegi automatiko zerbitzu hau Iruñera hurbiltzeko erabakia hartu zuen, garbiketa zerbitzu erraz eta partekatua eskaintzeko asmoz. 

Uda aurrera doa eta azken aldian ez duzue gure berri izan. Blog-a alde batetara utzia izan dugu, merezitako oporrez gozatu eta indar berritzeko intentzioarekin. Baina hemen gara berriz, energiaz lepo eta ziur zuen interesekoa izango den KANPAINA bat aurkeztu asmoz.