Historial de la etiqueta: Grupos Locales [EU]

  Hemen duzue, Euskadi Irratiko Ekosfera saioan berriki egin diguten elkarrizketa. Bertan, azkenaldiko gure lanaren berri ematen dizuegu.

Berriki, Nafarroako Gobernuak, Nafarroako Plan Energetiko berrian lanean diharduela argitaratu du, 2025ra begira. Asko pozten gaituen berria dela aitortu behar dugu, hartu duen, dirudien, bidea zein den kontutan izanik. Energia berriztagarriekiko apustu sendoa egiteaz gain, sorkuntza banatua eta kontsumo kolektiboa elementu garrantzitsu gisa aurkezten dira eredu berri honetan. Energia Gara Nafarroak eta gure kooperatiba guztiak, esperientzia “dezente” pilatu dugu azken urteotan gai honen inguruan, horregatik, justua eta eraginkorra den eredu baten aurrean gaudela deritzogu.

Asteburu honetan, apirilak 8, 9 eta 10ean, Nafarroan gizarte-ekonomiaren arloan urtero egiten den hitzordu garrantzitsuenean izango gara gu ere. Iruñeko autobus geltoki zaharrean izango den azokan guk ere informazio gune bat izango dugu, zuen duda, galdera eta zalantzak argitzeko; energia kontsumoari buruz, bazkide egin edo argindarra kontratatzeko eta abar.

LA DESPENSICA: ARIMADUN DENDA Gobernuek berpizkunde ekonikoaren seinale nabarmen gisa azaltzen dizkiguten “kimu berde” horiek benetakoak al dira?  Agian bai, baina, ez eurek uste duten moduan: sortzaileen DNAn dagoen jasangarritasun eta ardura soziala ardatz duten mikroenpresez osaturiko ekonomia baten bitartez, alegia. Adibide on bat LA DESPENSICA da, 2013an Alberto eta Pilik sortu zuten denda. Urte eta erdiz Iruña inguruan hornitzaile bila aritu ostean euren burua piszinan murgiltzea erabaki zuten.

Aurreko otsailaren 4an Fab Lab Coworking-eko lagunek (www.fablabcoworking.com)  Tafalla Kalean kokatzen den euren lokaleko ateak  ireki zizkiguten. Arlo ezberdinetako profesional ezberdinek euren sormena lantzen duten espazio erakargarria da. Lan hori bakarkakoa da, baina era osagarri eta kooperatiboan egiten dute, gizartearen zerbitzura lan eta berrikuntza talde bat sortuz.

Txirotasun energetiko agenda politikoan jartzea ezinbestekoa zen   Pasaden urtarrilaren 21ean, Nafarroako Gobernuak eta Iberdrolak, errekurtso ekonomiko murritzeko bezeroei argindar hornidura ziurtatzeko akordioa sinatu zuten. Berri pozgarria da berau; asko pozten gara txirotasun energetikoaren arazoa gure gobernuaren agendan dagoelako.  Foru erkidegoan, txirotasun energetikoa pairatzen duten familia asko ditugu, urtez urte hedatzen doan arazoa da gainera. Asko kostatu den arren, txirotasun energetikoaren gaia, gizarteak egindako lan eskerga eta presioagatik, gure ordezkari politikoen agendan eta enpresa energetikoen Erantzukizun Zibilaren politiketan izatea lortu da, azken hauen enpresa jardueretan islatzen ez den arren. Gure iritziz, ordezkari politikoek, oligopolio energetikoa kontrolatzen dute enpresei azken puntu hau bete dezaten exijitu beharko liekete.  Arazo honen aurrean, merkaturatze energetikoaz arduratzen diren enpresen konpromisoa ezinbestekoa da, beraiek bai dira argindarraren hornidura, faktura ez ordaintzearen ondorioz, mozteko gaitasuna dutenak.

Kaixo lagunak,   Bai, gure kooperatiba jaio zela dagoeneko 5 urte iragan dira eta nola ez, ospatzeko irrikaz gaude. Parte hartzea, elkarlana eta auzolana protagonista izan dira, azken urte hauetan, gure artean eta ahal izan dugun neurrian, eredu energetiko, ekonomiko eta sozial berri baten oinarriak sendotzeko lanean aritu gara.